Amasengesho kuri Pastor Theogene Inzahuke uri mu bitaro

Pastor Theogene bakunze kwita Inzahuke ari mu bitaro aho agiye kubagwa ikirenge kugirango amano ye yavuye mu mwanya wayo ubwo yakoraga impanuka mu mwaka washize asubizwe ku murongo wayo ,cyane ko ngo yari atangiye kwangirika (amano) ku buryo byashoboraga no kuvamo Kanseri.

Mu mpera z’icyumweru gishize nibwo uyu mugabo ,ukunzwe n’urubyiruko cyane ,ahanini bitewe n’uburyo yigisha ijambo ry’Imana yisanisha n’imivugire n’imigenzereze y’urubyiruko rw’ubu ,nibwo yahishuriye mu kiganiro yagiranye na Chita Magic ko yagombaga kwinjira ibitaro tariki 6 Gashyantare 2023 ,akabagwa tariki 7 Gashyantare 2023.

Pastor Theogene arabagirwa mu bitaro bya Centre Chirurgie Orthopédique Pédiatrique Et Réhabilitation, Sainte Marie Rilima  biherereye mu karere ka Bugesera nk’uko yabitangirije ikinyamakuru cya Chita Magic ndetse akanasaba abamukunda ku musengera.