HARAGIRIMANA Dieudonne
Ku bakunze cyangwa bagakurikirana umupira w’amaguru guhera mu mwaka wa 2001 kugera 2007 bibuka umukinnyi w’Umunyafurika ukomoka mu gihugu cya Nijeriya wabaye ikirangirire muri shampiyona y’Uburayi Taribo West waruzwiho kugira imisatsi y’icyatsi , ariko kandi kuva yasezera umupira w’amaguru muri 2007 hari abatarabashije kumenya irengero rye .
Twifashishije ibinyamakuru byinshi byandika kuri ruhago ,bivuga ko Taribo West w’imyaka 49 wanyuze mu makipe atandukanye kuri ubu yiyeguriye Imana ndetse afite itorero ryitwa “Shelter in the Storm Miracle Ministries of All Nation “ yashinze mu mwaka wa 2014 nyuma y’imyaka mike asezeye gukina umupira w’amaguru.
Taribo West ngo yeguriye ubuzima bwe kuvuga ubutumwa bwiza bw’Imana ndetse no gufasha imfubyi n’abapfakazi kuva yahagarika umupira w’amaguru kugeza umunsi wa none
Taribo West yanyuze mu makipe atandukanye arimo: Obanta United, Sharks , Enugu Rangers ,Julius Berger, Auxerre , Inter Milan , AC Milan ,Derby County , Kaiserslaunter ,Partizan Belgrade ,Al-Arabi ,Plymouth Argyle na Paykan , uyu mugabo yakijijwe mu mwaka w’1996 ndetse ikinyamakuru cyo mu gihugu cy’Ubutariyani kigeze kuvuga ko ukujya muri Inter Millan kwe yari yarabihishuriwe.
