Amarangamutima y’umuhanzi Meddy akomeje kwisukiranya kubera urupfu rwa Elsie

Umuhanzi w’umunya-Rwanda Ngabo Medard uzwi kuri ‘Meddy’ akameje gushengurwa n’urupfu rwa Elsie wasubiragamo indirimbo ze.

Abinyujije ku mbuga nkoranyambaga ze Meddy akomeje kugenda agaragaza agahinda kavanze n’akababaro yetewe n’urupfu rw’uwo mwana w’umukobwa.

Ku rukuta rwe rwa Instagram yashyizeho amashusho ya Elsie witabye Imana hasi ashyiraho amagambo y’agahinda.

Ati: “Ntago nzi inshuro nzareba aya mashusho, mbega Malayika muto wari mwiza”.

Meddy kandi akomeje n’igikorwa yateguye cyo gufasha mama wa Elsie wasigaye, aho bari kumuteranyiriza amafaranga asaga miliyoni esheshatu.

Kuri ubwo butumwa Meddy yashyize ku mbuga nkoranyambaga ze asoza agaragaza urukundo abantu bamukunda kandi bizeye ko ari ahantu hatuje.

Ati: “Turagukunda Elsie. Uyu munsi uri ahantu hatuje”.