HARAGIRIMANA Dieudonne
Mu gihe hamaze gushyirwaho umunsi ntarengwa wo kwakira ubusabe bw’abifuza kugura Manchester United, impande zitandukanye zikomeje kwitegura gutanga akavagari kuri iyi kipe.
Manchester United yashyizwe ku isoko ku mugaragaro mu Ugushyingo 2022 nyuma y’imyaka itari mike abafana bayo bagaragaza ko batishimiye Family Glazer ifite iyi kipe kuva mu 2005.
Kompanyi y’ubucuruzi y’abanyamerika ya Reine Group yahawe inshingano zo kugurisha Manchester United, yamaze gushyiraho tariki 17 Gashyantare 2023, nk’itariki ntarengwa yo kwakira ubusabe(Offers) bw’abifuza kugura iyi kipe.
Ku ntangiro havuzwe cyane umuherwe w’umwongereza Sir Jim Ratcliffe usanzwe anazwi nk’umufana wa Manchester United, ariko muri iki cyumweru hiyongereyeho abanya-Qatar bashaka iyi kipe hasi hejuru.
Amakuru ava mu Bwongereza avuga ko hari impande eshanu zamaze kugaragaza ko ziri tayali guhatanira kugura iyi kipe ifite ibikombe byinshi bya Premier League kurenza andi makipe yose.
Bivugwa ko Sir Jim Ratcliffe w’imyaka 70 yamaze gushyiraho kompanyi ya JP Morgan ndetse na Goldman Sachs, ngo zimufashe mu bikorwa byo kugura iyi kipe y’i Manchester.
Avram Glazer(Uri iburyo) na Joel Glazer(Uri ibumoso) biteguye kugura Manchester united
Hari n’abaherwe ba PSG biteguye kugura Manchester united yo muri English primer league.
Uretse abo perezida wa Qatar nawe yabijemo avuga ko yiteguye.
