Amakuru yihutirwa kuri ba banyamerica 4 bashimutiwe muri Mexico

Ku cyumweru tariki 5 Werurwe 2023 nibwo abanyamerica 4 bashimutiwe mu gihugu cya Mexico  ubwo bari batwaye imodoka berekeza  mu mujyi wa Matamoros ,mu majyaruguru ashyira uburengerazuba ya Leta ya Tamaulipas mu gihugu cya Mexico hafi n’umupaka wa Leta ya Texas muri Leta zunze ubumwe za America.

Inkuru ziri gutangazwa muri aya masaha y’umugoroba wo kuwa 2 Tariki 7 Werurwe 2023 ni uko 2 muri aba banyamerica bashimuswe bamaze kwitaba Imana , mu gihe umwe muri 2 basigaye yakomeretse umwe akaba ariwe usigaye ari muzima ntakibazo na kimwe yagize.

Inkuru dukesha Bbc ivuga ko aba banyamerica bashimutiwe muri Mexico aho bari berekejeyo bagiye kwibagisha mu isura (mu maso) ,bakaza gushimutwa n’uwitwaje intwaro ndetse kugeza ubu FBI ikaba yari yashyiriye igihembo gihwanye n’ibihumbi 42,000 byamayero ( 48,568,905 Frw) uzabasha gukura aba banyamerica mu maboko y’abashimusi akabagarura muri America.