Epaphrodite Nsengimana
Imodoka itwara abagenzi mu buryo bwa rusange ya kampani ya Coaster yavaga i Karongi yerekeza i Rusizi, yakoze impanuka igeze mu karere ka Nyamasheke mu Mudugudu wa Kibirizi, akagari ka Jarama, umurenge wa Gihombo, umushoferi n’abagenzi 27 yari atwaye bose barakomereka, umwe apfa bagejejwe ku Bitaro bya Kibogora.
Bivugwa ko iyo modoka yaguye mu kibanza kiri munsi y’umuhanda nko muri metero 50, irangirika bikomeye, abari bayirimo bose barakomereka ku buryo nta n’umwe wasigaye adafite igikomere.
Amakuru mashya ahari ni uko abo bakomerekeye muri iyi mpanuka bakomeje kwitabwaho n’abaganga ndetse abenshi bamaze gutaha ma mago yabo gusa bakaba bagifite ibipfuko by’ibikomere batewe n’iyi mpanuka.
Iyo mpanuka yabaye mu ma saa saba z’amanywa kuri uyu wa 19 Kanama 2024, itewe no kutaringaniza umuvuduko kwa shoferi bitewe n’aho ageze.
