AMAKURU MASHYA: Ikipe ya As Kigali yamaze gusinyisha umutoza mushya w’umunyamahanga

Ikipe ya As Kigali yamaze gutangaza Mike Hillary Mutebi nk’umutoza mukuru nyuma yo gutandukana na Eric Nshimiyimana.

Ku gicamunsi cyo kuri uyu wa Gatatu tariki 19 Mutarama  nibwo ikipe ya As Kigali yatangaje ko yamaze gusinyisha Mike Mutebi nk’umutoza mukuru.

Uyu mutoza yasinye amasezerano y’imyaka ibiri atoza iyi kipe y’umugi wa Kigali.

Uyu mutoza kandi yaje yizaniye n’umwingiriza we bazakorana muri iki gihe cy’imyaka ibiri, uyu mwungiriza ni Jackson Mayanja.

Ikipe ya As Kigali izanye uyu mutoza nyuma yo gutandukana n’uwari umutoza wayo mukuru Eric Nshimiyimana kubera ikibazo cy’umusaruro nkene.

Nyuma yo gutandukana na Eric Nshimiyimana, ikipe ya As yahise izana Jimmy Murisa nk’umutoza mukuru w’agateganyo.

Mike Mutebi yari amaze umwaka umwe nta kazi afite nyuma yo gutandukana n’ikipe ya KCCA y’iwabo muri Uganda.