M.Ben
Amakuru mashya avuga ko nyiri Chelsea, Todd Boehly ashobora guha Cristiano Ronaldo inzira yo kuva muri Manchester United agasinyira Chelsea muri Mutarama.
Boehly afitanye umubano wa hafi n’umukozi wa Ronaldo Jorge Mendes kandi yari ashishikajwe no gusinyisha uyu musore w’imyaka 37 ukinira Manchester United mu mpeshyi, nyamara uwahoze ari umutoza wa Blues, Thomas Tuchel ntabwo yamwifuzaga muri iyi kipe.
Nk’uko ikinyamakuru Mail Online kibitangaza ngo umuherwe w’umunyamerika yiteguye kugura Ronaldo muri Mutarama mu gihe Manchester United ishaka kwirukana uyu munya protugal.
Icyakora, ntibizwi neza niba umusimbura wa Tuchel Graham Potter yaba yiteguye gusinyisha Ronaldo.
Umutoza wa United, Erik ten Hag, yirukanye Ronaldo mu ikipe nyuma yuko uyu mukinnyi yasohotse mu kibuga ifirimbi yanyuma itavuze.
