Amakuru atari meza ku muhanzi Cyusa n’umukunzi we bakanyujijeho

Umuhanzi Cyusa Ibrahim uzwi mu ndirimbo gakondo biravugwa ko yaba yaratandukanye n’umukunzi we Jeanine Noach bakanyujijeho mu rukundo.

Cyusa na Jeanine Noach bari bamaze umwaka urenga bakundana aho banavuzwe cyane mu itangazamakuru mu Rwanda.

Kuva mu 2021, urukundo rwa Cyusa na Jeanine Noach rwari rwatangiye mu ibanga rwakajije umurego, bigeze mu bakunzi b’imyidagaduro babatera imijugujugu.

Ababateraga imijugujugu bashingiraga ku kuba umukunzi wa Cyusa yaba amuruta cyane ndetse bamwe bagahamya ko uyu musore yishakira visa imwambutsa akajya gutura iburayi aho uyu mugore asanzwe atuye.

Gusa kuri ubu biravugwa ko urukundo rw’aba bombi rwamaze kurangira.