Amakuru agezweho: Hamaze kumenyekana inkuru nziza ku bakunzi b’ikipe y’igihugu y’u Rwanda Amavubi

Ikipe y’igihugu y’u Rwanda Amavubi igeze kure imyiteguro yo kwitegura ikipe y’igihugu ya Mozambique aho bamwe mu bakinnyi bakomeye bageze mu Rwanda abandi bakaba bagitegerejwe.

Umukinnyi w’ingenzi mu ikipe y’igihugu Amavubi ukina mu ikipe ya AS Far Rabat yo mu gihugu cya Morocco wari warateje impungenge abanya Rwanda nyuma y’uko bivuzwe ko uyu musore atazitabira ubutumire bw’ikipe y’igihugu kubera ko ikipe ye urugamba rugeze mu mahina rwo gushaka igikombe cya shampiyona.

Ikipe ya AS Far Rabat yaraye itsinze ikipe ya Olympique de Khouribga igitego kimwe ku busa maze ihita ikomeza kuyobora urutonde rwagateganyo rwa shampiyona y’igihugu bituma iha uburenganzira Manishimwe Emmanuel bakunze kwita Mangwende.

Bisobanuye neza ko uyu musore azakina umukino u Rwanda ruzakinamo na Mozambique uzabera kuri Sitade ya Karere ka Huye tariki 18 Kamena 2023.