HARAGIRIMANA Dieudonne
Kuri uyu wa Kabiri, tariki ya 4 Mutarama 2022, ni bwo Ishyirahamwe ry’Umupira w’Amaguru mu Rwanda, FERWAFA, ryagiranye inama n’amakipe y’Icyiciro cya Mbere n’icya Kabiri yose.
Amakipe yabwiwe ko ategetswe kubahiriza amabwiriza yo kwirinda ikwirakwira rya COVID-19 arimo gucumbikira abakinnyi hamwe no kubapimisha ’rapid test’ byibuze inshuro ebyiri mu cyumweru.
Amakipe nka Rayon Sports, Gasogi United na Kiyovu Sports ashobora gusezera muri Shampiyona y’uyu mwaka kubera ko adashoboye kubahiriza amabwiriza yo kwirinda COVID-19 avuguruye ya FERWAFA, asaba amakipe gukora imyitozo no kwitabira amarushanwa abakinnyi baba ahantu hamwe.
Umuyobozi wa Gasogi united yavuze ko hatagizwe igikorwa ngo amategeko ahinduke kuri Gasogi united ntabwo barenza kuwa 6 batanditse urwandiko rusezera muri shampiyona y’u Rwanda.
