Social Mula
Ubuyozozi bw’ikipe ya Amagaju FC bwandikiye Ishyirahamwe ry’Umupira w’Amaguru mu Rwanda ‘FERWAFA’ buyisaba ko bwarenganurwa bagahabwa igitego umusifuzi yanze ku mukino wabahuje na Heroes.
Ejo ku Cyumweru tariki 5 Gashyantare 2023, shampiyona y’Icyiciro cya Kabiri mu Rwanda yari yakomeje aho Heroes FC yari yakiriye Amagaju FC mu mukino w’umunsi wa 11.
Ubwo umukino wari ugeze ku munota wa 70, Amagaju FC yatsinze igitego maze inshundura ziracika umusifuzi wo hagati aza kucyanga bituma abakinnyi ba Amagaju FC basohoka mu kibuga umukino ugeze ku munota wa 70 aho byari bikiri ubusa ku busa.
Mu gitondo cyo kuri uyu wa Mbere tariki 6 Gashyantare 2023, ubuyobozi bwa Amagaju FC bwandikiye FERWAFA busaba kurenganurwa bagahabwa amanota atatu.
Ikipe ya Amagaju ni imwe mu makipe yifuza kugaruka muri shampiyona y’Icyiciro cya Mbere, ubuyobozi bw’iyi kipe bukaba buri gukora ibishoboka byose ngo ikipe izamuke.
