HARAGIRIMANA Dieudonne
Ishimwe Dieudonne wamamaye nka Prince Kid uyobora kompanyi ya Rwanda Inspiration Backup yateguraga irushanwa rya Miss Rwanda ashobora kuba yarambitse impeta y’urudashira Miss Iradukunda Elsa.
Amakuru avuga ko uyu musore umaze iminsi arekuwe yaba yaramaze gusaba iyi nkumi yegukanye ikamba rya Nyampinga w’u Rwanda 2017 ko yamubera umufasha ubuziraherezo undi akabyemera ntakujijinganya.
Mu gihe ayo makuru yari ari gucaracara Miss Iradukunda Elsa ashyize hanze amafoto amugaragaza yambaye impeta ku kaboko k’ibumoso ku rutoki rw’isezerano nkuko bimenyerewe ku bakobwa bamaze kwemerera abo bakundana kuzabana akaramata.
Aya mafoto agiye hanze nyuma y’iminsi bamwe mu baziranye n’uyu mukobwa bavuze ko uyu mwaka wa 2023 ushobora gusiga aba bombi bamaze igihe mu rukundo bagize ibanga basezeye ubusiribateri.
