AMAFOTO: Ibi nibyo bihangange bikuru mu gitaramo Kampala Fesitivale cyiri mu minsi iri imbere

Bwambere abahanzi bo mu Rwanda n’abo muri Uganda, bagiye guhuzwa n’igitaramo Kampala Festival kigiye kubera muri Uganda. Cyatumiwemo The Ben, Bruce Melodie, Mc Anita Pendo, Mc Nario n’abandi bakomeye.

Kuva u Rwanda na Uganda umubano wabo wasubira mu buryo, ibihugu byose bikongera kugirana imigenderanire myiza, yaba muri Uganda ndetse no mu Rwanda, hakomeje gukorwa ibitaramo bikishimirwa n’imande zose.

Kuri ubu hagiye kuba iserukiramuco ryitezweho kuzitabirwa n’abanyaRwanda benshi muri Uganda bagiye kwishimira iminsi mikuru irimo n’igitaramo kigiye kubera muri iki gihugu kizabahuriza hamwe n’inshuti n’abavandimwe.

Mugisha Benjamin wamamaye nka The Ben akaba umwe mu bahanzi bakunzwe mu Rwanda na Uganda ndetse na Itahiwacu Bruce wamamaye mu muziki nka Bruce Melodie unaherutse gutaramira muri Uganda mu gitaramo cya Edddy Kenzo, bazitabira iki gitaramo.