THIERRY Mugiraneza
Byari ibirori by’akataraboneka ubwo ikipe y’igihugu ya Morocco yasesekaraga mu murwa mukura i Rabat itahukanye umwanya wa kane ikuye mu gikombe cy’isi.
Morocco ni ikipe yigagaragaje cyane kuko yakoze ibyo benshi batatekerezaga ko ikipe ikomoka muri Afurika yagera ku rwego rwo gukina 1/2 cy’igikombe cy’isi.
Urugendo rwa Morocco kugeza igeze ku mukino wo guhatanira umwanya wa gatatu:
Morocco yagize urugendo ruremereye cyane kugirango yisange ihatanira umwanya wa gatatu, Morocco yatangiye imikino yo mu matsinda inganya na Croatia ubusa ku busa. Morocco mu mukino wa kabiri wo mu itsinda F yacakiranye n’Ububirigi , Morocco itsinda ibitego bibiri ku busa bw’Ububirigi, umukino wa gatatu wo mu itsinda Morocco yatsinze Canada ibitego bibiri kuri kimwe.
Morocco yaje kuva mu itsinda F ari iya mbere iza gucakirana na Espagne mu mukino wa 1/8 aho byanganyije ubusa ku busa Morocco igakomeza isezereye Espagne kuri penaliti.
Morocco mu mukino wa 1/4 yacakiranye na Portugal ya Cristiano Ronaldo maze Morocco itsinda igitego kimwe ku busa ibona n’itike ya 1/2.
Mu mukino wa 1/2 Morocco niho itahiriwe kuko yatsinzwe b’Ubufaransa ibitego bibiri ku busa.
Morocco mu guhatanira umwanya wa gatatu yatsinzwe na Croatia Ibitego bibiri kuri kimwe itahukana umwanya wa kane.
Amafoto ubwo Morocco yasesekaraga i Rabat</strong
