Akazoza ka Cristiano Ronaldo gakomeje kuba ihurizo muri Manchester United no mu bafana be

Rutahizamu wa Manchester United Cristiano Ronaldo arashaka kuva muri iyi kipe ibarizwa mu mugi wa Manchester.

Nk’uko ikinyamakuru AS cyo muri Espagne cyabitangaje ngo uyu musore ntago yishimiye muri iyi kipe yiyita amashitani atukura.

Ahanini ikigiye kujyana uyu mugabo ni uko ngo imikinire y’iyi kipe nta kigenda kandi akaba abona ntakiri gukorwa kugira ngo babicyemure.

Iki kinyamakuru gikomeza kivuga ko uyu mugabo ukomoka muri Portugal ko ashobora guhita yigira muri Buyern Munich gusimbura Robert Lewandowski ushaka na we kwigendera.

Abari hafi ya Cristiano Ronaldo bemeza ko ari gutekereza kuva i Manchester kandi ngo ashaka kuhava muri iyi mpeshyi.

Ikinyamakuru Sky Germany cyo cyivuga ko Cristiano Ronaldo atazajya muri Buyern Munich muri iyi mpeshyi.

Uyu mukinnyi ukina imbere yagarutse muri Manchester United mu mpeshyi ishize aho hari hashize imyaka isaga 13 ayivuyemo akerekeza muri Real Madrid.