THIERRY Mugiraneza
Grant Wahl umunyamakuru w’imikino ukomoka muri Leta zunze Ubumwe z’Amerika yitabye imana ubwo yarari gukurikirana umukino wahuzaga Argentina n’Ubuhorandi.
Ku mugoroba wakeye ubwo Argentina yakinaga n’Ubuhorandi muukino wa 1/4 mu gikombe cy’isi , umunyamakuru wari wicaye mu cyanya cyahariwe itangazamamukuru (Media zone) yituye hasi ahita yitaba imana.
Amakuru dukesha ikinyamakuru ESPN aravuga ko Grant Wahl yitabye imana nyuma yo kwikubita hasi bakamujyana ku bitaro byitwa Hamad General Hospital ariko bikarangira ashizemo umwuka.
Grant Wahl witabye imana haracyekwa ko yazize ibibazo by’indwara y’umutima dore ko kuwa 4 yari yanditse kuri Twitter abwira abamukurikira ko atameze neza ndetse ko yagiye kwa muganga.
Grant Wahl yaherukaga gufungwa n’inzego z’umutekano za Qatar bamuziza kuba yarashatse kwinjira muri stade afite amabendera n’iburango by’abakundana bahuje igitsina(abatinganyi).
Uyu munyamakuru yari umwe mu banyamakuru bakomeye kuko iki cyaro igikombe cy’isi cya 8 akurikiranye mu mwuga we.
