Aha ni muri Kigali si i mahanga! Umushinga wa Kigali Green City wegukanye igihembo mu iserukiramuco mpuzamahanga ryaberaga muri Singapore

Igice cy’umushinga wa Kigali Green City mu murenge wa Kinyinya, cyatsindiye igihembo cy’igishushanyo mbonera cyiza mu iserukiramuco mpuzamahanga ry’ubwubatsi (WAF) Future Project Masterplan Award.

Iki gihembo cyatanzwe ku wa kane, 30 Ugushyingo, muri WAF 2023 cyabereye i Marina Bay Sands muri Singapuru kuva ku ya 29 Ugushyingo kugeza ku ya 1 Ukuboza.

Kigali Green City ni umushinga wo kubaka inyubako zibungabunga icyirere kandi usa neza. Igishushanyo mbonera cy’uwo mushinga ni cyo yegukanye igihembo.

Umushinga uzashyikirizwa Inama Njyanama y’Umujyi wa Kigali mu ntangiriro z’umwaka utaha kugira ngo uhabwe umugisha.