Social Mula
Mu mujyi wa Kigali haravugwa Resitora izwi ku izina rya Molato ikora ibyiswe “speed dating” aho abasore n’inkumi bahurira kugirango bashake abakunzi akarisho ariko nushaka uwo bamarana irari ry’umubiri nawe akamubona.
Nkuko bitangazwa n’umunyamakurukazi wa Igihe. com witabiriye iki gikorwa cyabaye ku nshuro ya mbere tariki 12 Gashyantare 2022, avuga ko iki gikorwa kitabiriwe n’abantu benshi ku buryo atakekaga.
Uyu munyamakurukazi akomeza avugako mu rwego rwo koroshya ibiganiro no kumenyana, hatanzwe ibirango byerekana imiterere ya buri wese mu rukundo, bikagaragazwa n’ibara ry’igikombe ari kunyweramo.
Abantu badafite abakunzi (single) bagombaga kuba bafite igikombe cy’icyatsi, abifuza abo bakorana imibonano mpuzabitsina (babarizwa mu cyiciro kizwi nka DTF) bakagira igikombe cy’ubururu, abafite abakunzi bagakoresha icya ‘pink’ mu gihe abatarabasha kumenya neza icyo bifuza mu rukundo bahawe igikombe cya ‘Orange’.
Uyu munyamakurukazi avuga ko yafashe igikombe cy’icyatsi ni ukubuga ko yifuzaga umukunzi maze atangira guhura n’abasore batandukanye ari nako baganira burambuye ngo barebe ko byagamo.
Uyu munyamakurukazi akomeza avugako iki gikorwa yabonye gikenewe ndetse abantu bakishimiye bityo yizera ko ubwo iyi Resitora izaba yateguye igikorwa nkiki kizitabirwa kurushaho.
