Agashya: Arsene Wenger yabonye andi masezerano mu kazi k’ubutoza

Umutoza w’ikipe ya Arsenal Arsene Wenger amaze igihe yibasiwe n’abafana batifuza ko yongererwa amasezerano mu ikipe ya Arsenal gusa uyu musaza akaba yaritangarije ko ashaka kongera amasezerano y’umwaka mu ikipe ya Arsenal kugirango agire ibindi bikorwa yubaka muri iyi kipe, gusa ibi ntibyashimishije na gato abafana ba Arsenal bitewe nuko bakomeza kugaragaza ko bakeneye impinduka ku mutoza mu ikipe ya Arsenal.

Uyu musaza nyuma yo kutishimirwa cyane mu ikipe ya Arsenal inkuru dukesha ikinyamakuru L’Equipe iravuga ko uyu musaza yagiriwe icyizer n’ikipe ya Paris Saint Germain ndetse ko iyi kipe yiteguye kumuha amasezerano y’imyaka ibiri, gusa indi nkuru dukesha ikinyamakuru Skysport iravuga ko Arsene Wenger yahakanye yivuye inyuma ayo makuru ndetse anashimangira ko agifite byinshi byo gukora mu ikipe ya Arsenal.