Agahinda: Umukinnyi ukomeye ushakishwa n’ikipe ya Real Madrid na Fc Barcelone yarozwe

Bisanzwe bimenyerewe ko ikipe ya Fc Barcelona ndetse na Real Madrid zikunda guhatanira abakinnyi bakomeye kugirango zikomeze guhangana kwazo ndetse imwe ikunde yumve ko irusha indi gukomera, kurubu rero umukinnyi aya makipe yombi yahataniraga kuzagura mu mpeshyi itaha akaba yarozwe ubwo yari yitabiriye imikino yo gushaka itike yo kuzakina igikombe cy’isi mu burusiya mu mwaka wa 2018.

Amakuru ava mu gihugu cya Maroc aravuga ko ikipe ya Gabon ubwo yari igiye gukina umukino wo gushaka itike yo kuzakina igikombe cy’isi mu burusiya mu mwaka utaha wa 2018, abakinnyi baje kunywa umutobe uhumanye bityo ikipe yose ikarwara munda. Ibi byaje guhamywa na rutahizamu wabo Pierre Emerick Aubameyang abinyujije ku rukuta rwe rwa Twitter.

Uyu musore ushakishwa bikomeye n’ikipe ya Real Madrid ndetse na Fc Barcelona yaje kwandika ati:” Icyakabiri cy’ikipe yose na Staff twarwaye mu nda mbere y’umukino, mbega umutobe udasanzwe.” Ibi byaje kuviramo ikipe ya Gabon gutsindwa ibitego 3-0 byose bitewe n’iki kibazo bahuye nacyo.