HARAGIRIMANA Dieudonne
Nyuma yuko ikipe ya Chelsea itangiye nabi champiyona y’ubwongereza itsindwa ibitego 3-2 n’ikipe ya Burnley, umwuka utari mwiza watangiye gututumba mu rwambariro rwa Chelsea nyuma yuko abakinnyi b’inkingi za mwamba batangiye kwitotombera imugurire n’imigurishirize yakozwe muri iyi mpeshyi ku isoko ry’igura n’igurishwa.
Amakuru dukesha ikinyamakuru London Standards cyaganiriye na Vice Captain w’ikipe ya Chelsea Cesar Azpilicueta aravuga ko abakinnyi abo bita Senior Players barangajwe imbere na Captain Gary Cahill, David Luiz, Eden Hazard, Pedro Rodriguez na Fabregas batishimiye na gato uburyo ikipe yabo yarekuye abakinnyi bayo bakomeye aribo Nemanja Matic na Diego Costa bagize uruhare rudasanzwe mu gutwara igikombe gishize, ikipe ikabasimbuza Timoue Bakayoko na Alvaro Morata bataragera ku rwego rwabo ndetse bagaragaza ko aba bakinnyi bashya bazagera ku rwego rwabagiye ikipe igeze habi. Bityo Azpilicueta nka Vice Captain akaba yisabiye ubuyobozi bwa Chelsea kureba uko bwagura abandi bakinnyi bakomeye bazaza kubasha kurwanira ishema ry’igikombe batwaye bakaba bakisubiza.
