Moïse Habanabashaka
Agahinda n’umujinya byatumye Ish Kevin ajya kuririmba mu gitaramo atatumiwe mo
Umuhanzi Ish Kevin yagiye gutaramira mu gitaramo cyateguwe na Skol nyuma yo kwangirwa kuririmba mu cya Amstel yari yatumiwe mo ari nacyo cyari cyaje mo Umuhanzi Johnny Drill wo muri Nigeria.
Ish Kevin ntabwo yari mu bahanzi bagombaga kuririmbira muri Mundi Center. Yahanyuze asa nk’uwitambukira akibona ko bakiri gutarama, yiyunga kuri bagenzi be nyuma y’uko icyo yari yatumiwemo cya Friends Of Amstel Fest atabashije kuririmba kubera ikibazo cy’amasaha, kuko aho yari kuririmba igitaramo cyarangiye saa tatu za ni joro,
Uyu muhanzi wageze ahari kubera igitaramo Saa Mbiri n’igice, yahagereye rimwe na Johnny Drille abwirwa ko bitari bukunde ko aririmbira abakunzi be aharira umwanya umuhanzi mukuru, Yavuye kuri BK Arena yerekeza muri Mundi Center aho yahise ataramira abakunzi be iminota mike.
