Aphrodis Nizeyimana
Agahinda karacyuzuye umutima we: The Ben yandikiye Papa we uherutse kwitaba Imana ubutumwa bukubiyemo amagambo ateye agahinda.
Umuhanzi Mugisha Benjamin wamamaye cyane ku izina rya The Ben aherutse gupfusha umubyeyi Mbonimpa John azize uburwayi gusa ibi byashenguye cyane umutima w’uyu muhanzi ukunzwe cyane hano mu Rwanda.
The Ben abinyujije kuri Instagram ye yashyizeho ifoto ya Papa we agaragaza ko icyo gihe Se yari akiri umusore mbese atarakura cyane kandi yari umuntu ugira umutima mwiza.
Mu magambo ya The Ben yagize ati :”Wari umubyeyi mwiza buri muntu wese yakwifuza. Ndashaka kwita kuri ibyo bihe bidakwiye kwibagirana, Wari urumuri rutuyobora wari isoko y’imbaraga ndetse n’urukundo”.
Umuhanzi The Ben witegura kurushinga na Miss Pamella akomeza yemeza ko Papa we mu gihe yari agihumeka umwuka w’abazima bahoranaga akanyamuneza.
