Adil yatakambiye umukinnyi umwe ukomeye muri APR FC ko ariwe azamwirukanisha natisubiraho

Umutoza mukuru w’ikipe ya APR FC, Mohammed Adil Erradi ukomoka muri Morocco akaba anafite Ubwenegihugu bw’u Bubiligi ku Mugabane w’i Burayi, yatakambiye umuzamu Ishimwe Jean Pierre amusaba kwicara akitekerezaho akongera gusubira mu bihe byiza nk’ibyo yahozemo mu mwaka ushize w’imikino wa 2021-2022 warangiye iyi kipe yegukanye igikombe cya 20 cya shampiyona y’Icyiciro cya Mbere.

Uyu muzamu Ishimwe Jean Pierre ntago arimo kwitwara neza muri iyi minsi kandi ni we wenyine APR FC ifite ndetse izagenderaho umwaka wa Shampiyona wose.

Uyu muzamu kandi aherutse kutitwara neza haba mu mikino ya CAF Champions league ndetse n’imikino Amavubi yakinnye na Libya ndetse mu mukino wo kwishyura ntiyabanjemo.