Adil wa Apr Fc ayoboye abatoza batanu bonyine bemerewe kureba umukino w’Amavubi mu gihe abandi basigaye barasabwa kwikoramo

Ferwafa yatanze ubutumire mbarwa ku batoza batanu bonyine batoza amakipe yo mu kiciro cya mbere hano mu Rwanda.

Abatoza bahawe ubutumire bwo kureba umukino Amavubi azakiramo Ethiopia kuri uyu wa Gatandatu ni abatoza b’amakipe yatanze abakinnyi mu ikipe y’igihugu Amavubi.

Abatoza ba Rayon Sports, APR FC, Kiyovu Sports, As Kigali na Police FC ni bo bahawe ubutumire bwo kureba umukino Amavubi azakiramo Ethiopia kuri uyu wa Gatandatu.

Izo kipe tuvuze haruguru kubera arizo zifite abakinnyi mu ikipe y’igihugu Amavubi iri mu mwiherero mu Karere ka Huye byahesheje abatoza bazo kureba umukino w’Amavubi na Ethiopia.

Amavubi azakina umukino wo kwishyura mu ijonjora rya nyuma ryo gushaka tike y’igikombe cy’Afurika cy’abakinnyi bakina imbere mu gihugu #CHAN2023 kuri uyu wa Gatandatu.

Abo batoza bahawe ubutumire bemerewe kuzana n’abungiriza babo mu gihe abandi batoza batahawe ubutumire bagomba kwiyishyurira ikiguzo cyo kwinjira kuri sitade ya Huye.