Adil amaze guterwa umujinya n’ibibera muri APR FC

Nyuma yo gutsindwa na Bugesera, Erradi Adil yemeje ko atazi ikibazo abakinnyi be bafite dore ko basigaye bakina mk’abantu ibibazo byishe.

Umutoza Adil yavuze ko nta mpinduka zagaragaye ku ikipe ye n’ubundi yaherkaga gutsinda ku kaburembe Rwamagana ibitego 3-2.

Ati”Sinzi ikibazo kiri mu ikipe abakinnyi bari gukina nta cyizere bifitiye, ntabwo nzi icyababayeho kuva ku mukino wa Rwamagana City, ntabwo nzi uko bimeze rwose.

Kuva twasezererwa na US Monastir twakoze imyitozo bisanzwe kandi abakinnyi bari bameze neza ariko sinzi ikibazo bafite mu mutwe.

Iyo umukinnyi adateguye neza mu mutwe nta kindi uba ugomba gukora. Mwabonye ko njye n’abo dukorana twagerageje gushaka ibisubizo tunyuze mu gusimbuza kandi abo twashyizemo bagerageje, gusa abakinnyi bafite icyo babura cyane cyane mu kwitangira ikipe”.

Ibi yabivugaga n’uburakari nk’uko umuntu wese utsindwa aba atishimye ndetse akaba yagaragaje ko ibibazo biri muri APR FC byo kuba barasezerewe aribyo pfundo y’umusaruro mubi.