GUTER
Adaciye ku ruhande! Niyonzima Olivier Seif yavuze ku mwuka mubi uri hagati ye na Manishimwe Djabel aho byavuzwe ko ari nayo ntandaro yatumye Djabel atajya muri Kiyovu Sports.
Umukinnyi wa Kiyovu Sports, Niyonzima Olivier Seif yavuze ko nta bushobozi na buke afite bwatuma ikipe y’Urucaca itagura umukinnyi nka Manishimwe Djabel kandi imwifuza.
Ni nyuma y’uko bivuzwe ko Kiyovu Sports yashakaga kuzana Manishimwe Djabel ariko Seif akavuga ko naza we ahita ayisohokamo.
Guhera ku wa Kabiri w’iki cyumweru byavuzwe ko Manishimwe Djabel ashobora kwerekeza muri Kiyovu Sports nk’intizanyo ya APR FC mu gihe cy’umwaka umwe.
Niyonzima Olivier Seif aganira n’ikinyamakuru ISIMBI, yabiteye utwatsi aho yavuze ko nta bushobozi afite bwo kubuza ikipe kugura umukinnyi yifuza.
Agaruka ku mubano we na Djabel muri APR FC, yavuze ko ntacyo yapfuye na we kuko anavugana n’abayobozi ntiyari ahari.
