Abayobozi bo muri APR FC bakozwe ku mutima n’ubutumwa Kapiteni Haruna Niyonzima yageneye abasore b’iyi kipe bagiye guhangana na Pyramid FC

Kapiteni w’ikipe y’igihugu Amavubi, Haruna Niyonzima yageneye ubutumwa abakinnyi by’ikipe ya APR FC bagiye gucakirana na Pyramids FC yo mu Misiri.

Abinyujije ku mbuga nkoranyambaga ze, Haruna Niyonzima yahaye ubutumwa abasore ba APR FC, bugira buti “Ibyiza byose ku ikipe yanjye APR FC, Imana ibahe umugisha ku mukino w’uyu munsi.

Nyuma y’ubu butumwa , ikipe ya APR FC nayo ibinyujije ku mbuga nkoranyambaga zayo yashimiye Haruna, bagize bati “Urakoze Kapiteni Haruna Niyonzima.

Ni umukino ubanza mu ijonjora rya kabiri rya CAF Champions League uraba kuri iki cyumweru tariki 17 Nzeri 2023 kuri Stade ya Kigali i Nyamirambo.