Uwihirwe
Abarimu bane bakoreshaga ikizami Cya Leta batawe muri yombi bakekwaho kuba barakopeje abanyeshuri
Muri Kissi iherereye mu ntara ya Nyanza ho muri Kenya, abarimu bane bakoresha ibizami bya Leta mu ishuri rikuru rya Bobamba batawe muri yombi bakekwaho gukopeza abanyeshuri.
Aba barimu batawe muri yombi nyuma y’urupapuro rwagaragaye mu kigo ruriho ibisubizo bya geography, aba barimu barashinjwa kuba aribo babizanye.
Aba barimu harimo umuyobozi wari ushinzwe iyo sitasiyo y’ibizami ariwe Edwin Mokaya, Umugenzuzi Gideon Omondi, ndetse na babiri bakoreshaga ibizami aribo Joseph Nyaosi na Ezekiel Nyambane, kuri ubu bafungiye kuri sitasiyo ya Polisi ya Ogembo i Kisii.
Polisi yatangaje ko iperereza rigikomeje kugirango hamenyekane neza uburyo uru rupapuro rwaba rwageze mu kigo.
