Moïse Habanabashaka
Ishyirahamwe ry’Umukino w’Amagare mu Rwanda (FERWACY) ryashyize ahagaragara ingengabihe y’amasiganwa ateganyijwe muri uyu mwaka wa 2023 arimo 14 y’imbere mu gihugu.
Muri uyu mwaka wa 2023 hateganyijwe andi masiganwa nk’uko bigaragara ku ngengabihe ya Ferwacy. Amasiganwa 17 ni yo ateganyijwe harimo 14 yegerejwe abaturage nk’uko biherutse kugenda.
Aya masiganwa azabimburirwa n’irya Heroes’ Race rizaba muri uku kwezi kwa Mutarama, rikabera mu Karere ka Gasabo ndetse na Kicukiro.
Iri rizakurikirwa na Tour du Rwanda itegerejwe na benshi ku nshuro ya 15, kandi nayo ifite umwihariko wo kuzagera mu Karere ka Gisagara ku nshuro ya mbere.
Tariki ya 19 kugeza 26 Gashyantare nibwo izaba itangiye ndetse nayo iri ku rwego rwa 2.1 nk’uko byagenze muri Tour du Rwanda ziheruka.
