M.Ben
Ikipe y’igihugu ya Senegal yageze iwabo itahanye igikombe cy’Afurika igikuye muri Cameroon. Abenegihugu ba Senegal bari benshi cyane baje kwakira abo bakinnyi aho bakiriwe nk’Intwari kubera amateka bakoze.
kuri uyu mugoroba wo ku wa mbere tariki ya 7 Gashyantare nibwo iyi kipe y’igihugu yageze muri Senegal. Bakigera mu gihugu bakiriwe na perezida w’igihugu cya Senegal Macky Sall.
Abaturage bari benshi cyane aho bari babukereye baje kwakira iyi kipe y’igihugu yari imaze gutwara igikombe cy’Afurika ku nshuro ya mbere. Ubwo Senegal yari imaze kwegukana iki gikombe perezida Macky Sall yahise atanga ikiruhuko cy’umunsi umwe mu gihugu cyose.
Senegal yegukanye iki gikombe itsinze Egypt ku mukino wa nyuma kuri penariti enye kuri ebyiri (4-2) nyuma y’aho umukino wari warangiye amakipe yombi anganya ubusa ku busa.
