Abantu bagera kuri 56 ni bo bamaze kumenyekana ko bitabye Imana ubwo bari muri Sitade baje kureba umupira

Abantu bagera kuri 56 ni bo bamaze kumenyekana ko bitabye Imana baguye mu mvururu zabaye mu mukino wabereye kuri Stade du 3 Avril de N’Zérékoré muri Guinée Conakry ku Cyumweru.

Ubwo hakinwaga umukino wa nyuma w’irushanwa ryateguwe na Perezida w’iki gihugu, Général Mamadi Doumbouya, hagati y’ikipe yo muri Labé na N’zérékoré, abafana baje kutemeranya ku byemezo by’umusifuzi ni ko gutangira guterana amabuye.

Leta ya Guinée yatangaje ko abarenga 50 bitabye Imana mu gihe abandi benshi bakomerekeye muri uyu mukino w’irushanwa rigamije kuzana ubumwe mu Banya-Guinée.