Abana 11 bahise baburirwa irengero! Muri Nyabarongo, habaye impanuka ikomeye cyane y’ubwato bwari butwaye abana 13 bari bagiye gupakira amategura

Abana 11 bahise baburirwa irengero! Muri Nyabarongo, habaye impanuka ikomeye cyane y’ubwato bwari butwaye abana 13 bari bagiye gupakira amategura.

Abana 13 bo mu karere ka Muhanga, mu Murenge wa Mushishiro baguye muri Nyabarongo, harokorwamo batatu abandi 11 baburirwa irengero.

Ikinyamakuru IGIHE dukesha iyi nkuru kivuga ko aba bana baguye muri Nyabarongo ku gicamunsi cyo kuri uyu wa 17 Nyakanga 2023, ubwo bari bari kwikorera amategura bayavana mu mudugudu wa Cyarubambire, Akagari ka Matyazo, Umurenge wa Mushishiro bayambutsa hakurya y’umugezi.

Amakuru akomeza avuga ko aba bana bari bari kwambutswa n’umuntu ujya kuba mukuru, bakoresheje ubwato bw’igiti, gusa ngo we yarokotse, ariko kugeza ubwo twakoraga iyi nkuru bari bataramenya irengero ry’abo bana bandi 11.

Uwari utwaye ubu bwato we yari mukuru akaba yarokotse ndetse ahita atabwa muri yombi.