Abakunzi ba APR Fc mwitegure kujya kubakira! Hamenyekanye itariki abatoza bashya ba APR FC bazagerera i Kanombe

Bidasubirwaho, abatoza bamaze kumvikana na APR FC, Ljubomir Petrović ndetse na Miodrag Radulović n’abungiriza babo, bari kuruhukira muri hoteli yo muri Kenya yitwa Park Inn by Radisson, bikaba byitezwe ko bazaza i Kigali ku Cyumweru tariki 2 Nyakanga 2023 ku isaha ya Saa saba bazaba bageze i Kanombe.

APR FC yamaze kumvikana n’umutoza Petrovic wanyuze muri iyi kipe muri 2015 na 2018 yasabwe kuyigeza mu matsinda y’imikino Nyafurika. Kuri ubu Petrović afite imyaka 76 y’amavuko, akazaba areberera(manager) w’abo azazana nabo nka Miodrag Radulović.

Uyu Miodrag Radulović w’imyaka 55 y’amavuko, azaba ariwe mutoza wa APR FC, gusa akazaba arebererwa na Petrović.

Kandi biteganyijwe ko ku munsi wa Mbere tariki 3 Nyakanga 2023, bazagirana ibiganiro na APR FC, berekwe amashusho y’abakinnyi kugira ngo harebwe abazirukanwa muri iyi kipe ndetse n’abazongererwa amasezerano.