Abakinnyi babiri b’Abanyarwanda ba Rayon Sports bagiye kugurwa arenga miliyoni 100 n’ikipe yo mu Bubiligi

Umukinnyi wo hagati mu kibuga mu ikipe ya Rayon Sports, Iradukunda Pascal na rutahizamu Rudasingwa Prince bari mu biganiro n’ikipe yo mu gihugu cy’u Bubiligi isanzwe igura abakinnyi bakiri bato ikabafasha kubazamurira urwego rw’imikinire ikanona kubagurisha mu y’andi makipe.

Mu mpera z’umwaka ushize nibwo byatangiye kuvugwa ko Rudasingwa Prince yifuzwa n’amakipe atandukanye yo ku Mugabane w’i Burayi ndetse akaba yaragiye no gukora igeragezwa muri Nigeria araritsinda.

Amakuru yizewe twamenye ni uko mu kwezi gutaha Rudasingwa Prince na iradukunda Pascal bashobora kuzafata rutemikirere bakerekeza mu gihugu cy’u Bubiligi kujya gusinyira ikipe ibifuza.

Biravugwa ko bombi bashobora kuzagurwa arenga miliyoni 100 z’Amanyarwanda, amenshi akazatwarwa na Rayon Sports bitewe n’uko bakiyifitiye amasezerano.