Abakinnyi ba Rutsiro FC bashyiriweho umurengera w’amafaranga ushobora gutuma bamara amezi arenga 2 badahembwa mu gihe batsinda ikipe ya Rayon Sports

Abakinnyi b’ikipe ya Rutsiro FC bashyiriweho amafaranga menshi cyane mbere y’umukino bazakinamo na Rayon Sports bishobora gutuma bamara amezi menshi ari imbere badahembwa.

Kuwa Gatandatu tariki ya 25 Gashyantare 2023, ikipe ya Rayon Sports izakina na Rutsiro FC mu mukino w’umunsi wa 21. Uyu mukino wakaniwe cyane n’abayobozi b’ikipe ya Rayon Sports ndetse n’ikipe ya Rutsiro FC nubwo umukino ubanza(Phase Aller) ikipe ya Rayon Sports yatsinze ibitego 2-1.

Uyu mukino ikipe ya Rutsiro FC imaze iminsi yitegura mu buryo butangaje, ubuyobozi bwayo bwamenyesheje abakinnyi bose ko nibabasha gutsinda ikipe ya Rayon Sports buzatanga agahimbazamusyi gashimishije.

Amakuru YEGOB yamenye ni uko amafaranga ubuyobozi bw’iyi kipe bwemeye angana n’ibihumbi 100 kuri buri mukinnyi mu gihe ubusanzwe agahimbazamusyi kanini abakinnyi bafata ari ibihumbi 20 nabwo mu gihe iyi kipe yabashije kwitwara neza abayobozi bakishima.

Ibi byatangaje benshi bitewe ni uko iyi kipe idasanzwe yemerera abakinnyi iki kintu. Ibi byagarutsweho cyane nyuma yaho mu minsi yashize byavuzwe ko abakinnyi ba Rutsiro FC inzara ibamereye nabi bitewe nuko bari bamaze amezi atari make badahembwa ariko iki kintu ubuyobozi bwemeye kikagaragaza ko Wenda ushobora gusanga ibibazo byari muri iyi kipe byarangiye.