Abakinnyi ba Rayon Sports barakariye cyane umukinnyi w’iyi kipe nyuma y’igikorwa kigayitse yakoze ubwo bakinaga na Police FC

Umukinnyi w’ikipe ya Rayon Sports wari umaze iminsi mu ikipe y’igihugu y’u Rwanda Amavubi Hakizimana Adolphe yantenzwe n’abagenzi be nyuma yo kwisabira kuva mu kibuga ubwo bakinaga na Police FC.

Kuwa Gatandatu tariki ya 1 Mata 2023, ikipe ya Rayon Sports yakiriye ikipe ya Police FC kuri Sitade ya Muhanga umukino urangira ikipe ya Rayon Sports itsinzwe ibitego 4-2.

Wari umukino mwiza cyane, ubona ko ikipe ya Police FC yari yawiteguye mu buryo bwiza binabahira Mashami Vincent n’abakinnyi be baza kubona intsinzi bari bakeneye cyane kubera ko hari hashize igihe kinini Police itabasha kubona intsinzi muri Shampiyona itsinze Rayon Sports.

Muri uyu mukino umuzamu w’ikipe ya Rayon Sports Hakizimana Adolphe uzwiho gufasha iyi kipe mu izamu mu mikino myinshi imaze iminsi ikina, yaje gusaba umutoza Haringingo Francis ko yamukuramo bitewe ni uko ngo yumvaga atameze neza bihita bituma Police FC ibatsinda mu buryo bworoshye.

Ibi byatumye bagenzi be bamurakarira cyane bitewe ni uko bari bamukeneye cyane kuri uyu mukino ariko yaje kubatenguha ubwo yabaga mu kibuga.

Ikipe ya Rayon Sports nyuma yo gutsindwa yagumye kumwanya wa gatatu n’amanota 46 ariko yahise irushwa amanota 6 na APR FC ndetse na Kiyovu Sports ihita iyirusha 5 nyuma yaho zo zatsinze.