M.Ben
Abakinnyi batatu bakomeye ba Arsenal basuye aho u Rwanda ruri kumurikira ibikorwa byarwo mu mpurikagurishwa mpuzamahanga riri kubera i Dubai.
Granit Xhaka, Rob Holding na Ben White nibo bakinnyi batatu ba Arsenal basuye ibyo bikorwa by’u Rwanda I Dubai.
Uyu muhango wo kumurika ibyo bikorwa by’u Rwanda wabereye i Dubai kuri uyu wa kabiri tariki ya 1 Gashyanare 2022.
Iri mpurikagurisha ryitwa Expo 2020, kuri uyu munsi hari hatahiwe u Rwanda ko rumurika ibikorwa byarwo. Uyu munsi wise Rwanda National Day ikaba yitabiriwe n’abanyarwanda baturutse ahantu hagiye hatandukanye.
Mu bantu 300 bahawe amatike harimo abanya-Rwanda ndetse n’abakinnyi 3 ba Arsenal twavuze haruguru, abo bakinnyi ba Arsenal baje ku bufatanye iyo kipe yo mu Bwongereza yagiranye n’ikigo cy’igihugu gishinzwe iterambere mu Rwanda (RDB), ubwo bufatanye bwiswe ‘Vist Rwanda’.
