Philcollens
Abakinnyi 2 ba Rayon Sports ntibarimo kumvikana n’umutoza kubera ikintu yabakoreye kigatuma batekereza ko nta rukundo abafitiye
Kuri uyu wa kabiri ikipe ya Rayon Sports irerekeza mu gihugu cya Libya gukina n’ikipe ya Al Hilal Benghazi mu mukino wa kabiri ubanza w’ijonjora rya CAF Confederations Cup.
Ku munsi w’ejo hashize ikipe ya Rayon Sports binyuze ku mbuga nkoranyambaga zayo yatangaje abakinnyi 22 irahagurukana hano mu Rwanda yerekeza muri Libya haburamo abakinnyi 4 barimo Prince, Masta, Hakim hamwe na Roger.
Muri aba bakinnyi basizwe ntabwo bose ariko bumva ibyababayeho kandi bari bamaze iminsi bitwara neza ndetse n’umutoza arimo kubashima cyane. Amakuru twamenye ni uko abarimo Mugisha Francois Masta ndetse na Bugingo Hakim ntabwo barimo kumvikana n’umutoza nyuma yo kubereka ko ntakintu bamufasha.
Ikipe ya Rayon Sports irakina umukino wayo n’ikipe ya Al Hilal Benghazi kuri uyu wa gatanu tariki ya 15 Nzeri 2023. Iyi kipe irasabwa gukurayo igisubizo cyiza ikirinda kuba yatsindwa kuko izasoreza mu rugo.
