Kubwayo Mc croix
Ku wa 18 Ugushyingo 2024, Urukiko Rwisumbuye rwa Nyarugenge rwemeje ko Nasagambe Fred na Gatare Gideon Junior bagomba gukomeza gukurikiranwa bafunze mu gihe iperereza ku byaha bakekwaho rikomeje.
Urukiko rwagaragaje ko nta bimenyetso simusiga Urukiko rw’ibanze rwa Kicukiro rwashingiragaho rwemeza ifungwa ryabo ry’agateganyo, ariko ruvuga ko muri raporo ya Rwanda Forensic hatagaragajwe impamvu nyakuri z’urupfu rwa Kayirangwa Olga, nyamara bakekwa bagikekwa ku cyaha cyo kwica ku bushake no gufatanya mu bwicanyi.
Ubushinjacyaha bwagaragaje ko hari impamvu zikomeye zishingirwaho zituma bakekwaho bagomba gukomeza gufungwa, harimo kwirinda ko babangamira iperereza. Urukiko rwemeye ko gutanga ingwate bitari bifite agaciro gasobanutse, bityo rutegeka ko bagomba gukurikiranwa bafunze.
Nasagambe Fred arakekwaho icyaha cyo kwica ku bushake, mu gihe Gatare Gideon Junior akurikiranweho gufatanya muri icyo cyaha.
