Abafana ibihumbi 200 bo mu Bufaransa bamaze gutora ko umukino wa nyuma w’igikombe cy’isi wasubirwamo

Abaturage bo mu Bufaransa bakoze ikimeze nk’amatakirangoyi aho bari gusaba Fifa ko umukino wa nyuma w’igikombe cy’isi 2022 wasubirwamo.

Impamvu basaba ko umukino wasubirwamo ni uko igitego cya 1 cyatsinzwe na Lionel Messi kuri penariti yari ikorewe Di Maria ikozwe na Dembele, batemera ko yari penariti.

Ikindi gitego Abafaransa batemera ni igitego cya 2 cyatsinzwe na Di Maria. Mbere yuko uyu mukinnyi atsinda igitego, Kylian Mbappe yari yakoreweho ikosa ariko umusifuzi ntiyasifura.

Nyuma yo kutemera ibyo, Abafaransa bahise bashyiraho urubuga abantu bari gutoreraho ko umukino wasubirwamo ndetse bari no gutanga ibitekerezo. Kugeza ubu abantu ibihumbi 200 ni bo bamaze gusaba ko uyu mukino wasubirwamo.

Kuri uru rubuga ibitekerezo (comments) bimaze kuba 85,000, byiganjemo ibivuga ko umusifuzi wasifuye yari afite ubwoba cyangwa akaba yari yariye ruswa.