Abafana ba Rayon Sports mu gahunda kenshi beretse ubuyobozi ikintu batarimo kwishimira ku ikipe yabo igeze kure imanuka kandi amateka yayo atariko abigaragaza

Abafana b’ikipe ya Rayon Sports ku mukino batsinzemo ikipe ya Bugesera FC bagaragaje imyitwarire idasanzwe bereka ubuyobozi ikintu batishimiye kugeza ubu nubwo ikipe yabo itari habi cyane.

Ku munsi wo ku cyumweru tariki ya 16 Mata 2023, ikipe ya Rayon Sports yatsinze ikipe ya Bugesera FC ibitego 2-0 byatsinzwe na Leandre Willy Essomba Onana ndetse na Moussa Essenu. Nubwo ikipe ya Rayon Sports yatsinze wabonaga ko ikina umupira udashimishije ndetse n’abakinnyi wabonaga ko bakina wagirango ntacyo baharangira kandi habura imikino 4 ngo Shampiyona irangire.

Abafana kuri uyu mukino, ntabwo bari benshi cyane nkuko bisanzwe ku ikipe ya Rayon Sports yajyaga gukina Sitade yuzuye ku rundi ruhande wabumva kuko ikipe ya Rayon Sports yagiye gukina irushwa amanota 6 kandi uko Shampiyona yacu tuyizi aba ari amanota menshi cyane.

Abafana bari bake kuri uyu mukino baje guhereza ubutumwa ubuyobozi babwerekako nubwo ikipe ya Rayon Sports yabashije gutsinda ntabwo bishimiye uko iyi kipe yabo yakinnye kandi ikipe ya Rayon Sports amateka yayo avuga ko iyo itsinze ikipe itsinda yakinnye neza ndetse kandi bigaragarira buri wese ko yari ikwiye intsinzi.

Ikipe ya Rayon Sports amahirwe yo gutwara igikombe cya Shampiyona ntabwo ari menshi ugereranyije aho ihagaze kugeza ubu kandi ikaba ihanganye n’ikipe zikomeye kuyirusha haba mu mafaranga ndetse no mu bakinnyi.