M.Ben
Ikipe ya Rayon Sports yatumiye abafana bayo mu muhango udasanzwe wo kwerekana abatoza bashya iyi kipe yambara umweru n’ubururu yamaze gusinyisha kuyitoza muri uyu mwaka.
Ikipe ya Rayon Sports yari imaze amezi abiri nta mutoza mukuru ifite kuko ayo mezi yose yatozwaga n’umutoza wari w’ungirije Masudi Djuma mbere y’uko ahagarikwa.
Romami Marcel wari w’ungirije yaje gusigarana iyi kipe y’abafana benshi hano mu Rwanda, yatoje Rayon Sports imikino umunani ya shampiyona aho yatsinze imikino ine, anganya itatu, atsindwa umwe asuzuguriwe i Kigali na Marine Fc yatamuteye ibitego bitatu ku busa.
Ubuyobozi bwa Rayon Sports burangajwe imbere na Uwayezu Jean Fidel umuyobozi mukuru w’iyikipe. Mu gihe bari bamaze gutandukana na Masudi Djuma bahise batangira kurambagiza undi mutoza mushya.
Nyuma yaho aba Rayon Sports bategereje igihe kinini umutoza, kuri uyu wa kane tariki ya 2 Gashyanare abafana mutumiwe mu muhango udasanzwe wo kwerekana abatoza bashya iyi kipe yamaze gusinyisha.
Uyu muhango uri buze gutangira saa saba z’amanywa (13h00), uraza kubera mu nzove ku kibuga cy’imyitozo cya Rayon Sports.
Umufana wese wa Rayon Sports aratumiwe dore ko kwinjira ari: (2000 Frw, 5000 Frw, 10000 Frw) itike yo kwinjira igurirwa kuri terefone igendanwa.
Uyu munsi kandi ntago ari ukwerekana abatoza gusa ahubwo ni nabwo iyi kipe iraba isubukuye imyitozo yayo nyuma y’akaruhuko gato bafashe nyuma yo gusoza igice cya mbere cya shampiyona. Biteganyijwe ko abo batoza bashya ari nabo baza gukoresha iyo myitozo.
