HARAGIRIMANA Dieudonne
Ikipe ya Rayon Sports ikomeje kuterwa ubwoba n’ikipe ya APR FC kubera ko ishobora kuyitwara rutahizamu wayo ukomeye.
Ikipe ya Rayon Sports imaze iminsi yitwara neza cyane ibifashijwemo n’abakinnyi bamwe na bamwe bakomoka hanze y’u Rwanda yaguze muri iyi meshyi ndetse n’abari bahasanzwe.
Iyi kipe ikomeje kwishimira kandi umusore wayo ukomoka mu gihugu cya Cameroon ariko wahawe ubwenegihugu bw’u Rwanda Willy Essomba Onana nyuma yo kuba muri iyi shampiona amaze gutsinda ibitego 3 kandi akaba azwiho kuzengereza ikipe yose bahuye.
Uyu musore nyuma yo guhabwa irangamuntu y’u Rwanda biravugwako umukino wa mbere agomba gukina ari uwo izahura na Benin mu kwezi kwa gatatu k’umwaka utaha wa 2023.
Willy Leandre Essomba Onana nyuma yo kwemererwa gukinira u Rwanda ni uko bamwe mu bakunzi ba Rayon Sports bakomeje guterwa ubwoba na mucyeba wayo w’ibihe byose ariwe APR FC bitewe nuko ubwo yabaye umunyarwanda iyi kipe ishobora guhita itangira urugamba rwo kumushaka.
Ntabwo ibi biratangazwa cyangwa ngo bijye mu buryo, byose ni ibicyekwa gusa umuyobozi wa APR FC mu minsi ishize yatangaje ko iyi kipe ayoboye igomba gukinisha abana babanyarwanda, bishobokako ari abavukiye mu Rwanda gusa.
