GUTER
Abafana ba Manchester United bateguye imyigaragambyo ikomeye ku mukino bafitanye na Liverpool mu cyumweru gitaha.
Hashize igihe ikipe ya Manchester United itangiye nabi shampiyona y’ikiciro cya mbere mu Bwongereza dore ko imaze gitsindwa imikino ibiri yose bamaze gukina muri shampiyona.
Manchester United yatangiye shampiyona itsindwa na Brighton ibitego bibiri kuri kimwe nuko umukino wa kabiri banyagirwa na Brentford ibitego 4 ku busa byose byatsinzwe mu minota 36 gusa.
Nyuma yo kutitwara neza mu ntangiriro za shampiyona, abafana ba Manchester United bafashe ikemezo cyo kongera kwigaragambya nkuko baheruka kubikora mu mwaka ushize.
Abafana biteguye kwigaragambya kugira ngo berekane akababaro kabo baterwa n’iyi ikipe ibarizwa mu mugi w’i Manchester.
Iyi myigaragambyo iteganyijwe kuba ku mukino wa Liverpool nkuko iy’ubushize nayo yabaye bagiye gukina na Liverpool bigatuma n’uwo mukino usubikwa
Umwuka ntabwo umeze neza muri iyi ikipe aho abakinnyi bacitsemo ibice biturutse kuri Cristiano Ronaldo uri muri iyi kipe atishimiye kubera ko yanze kumurekura, ikindi kandi ikaba itari kwiyubaka mu buryo bwatanga akazi muri Premier League.
Hari amakuru avuga ko kandi abafite iyi kipe ‘Family Glazer’ batangiye gutekereza ukuntu bagurisha iyi kipe kuko babona ntacyo batakoze ngo azahuke ariko ngo ikaba imeze nk’umwana warwaye bwaki yumisha.
Tariki 2 Gicurasi umwaka ushize nibwo kandi hari habaye indi myigaragambyo yatumye n’umukino wa Manchester United na Liverpool usubikwa kubera abafana bari bamaze gufata bugwate sitade.
Manchester United izakina na Liverpool ku wa mbere w’icyumweru gitaha tariki ya 22 Kanama 2022 saa tatu z’ijoro [21h00]
