N¥AWE
Mu mukino wa w’umunsi wa 17 wa shampiyona y’abongereza wahuzaga Liverpool na Brentford ukarangira Liverpool itsinzwe, abafana b’iyi kipe basazwe n’uburakari bwinshi cyane ku bifashishije imbuga nkoranyambaga, binubira ibyemezo by’umutoza wabo.
Ni umukino Liverpool yatangiye yitsinda igitego ndetse igice cya mbere gisozwa imaze gutsindwa 2, gusa mu gice cya 2 yaje kwishyura kimwe ariko ntibyagira icyo bitanga dore ko umukino ugana ku musozo yaje gutsindwa icya gatatu maze umukino urangira ari ibitego 3-1.
Usibye kuba iyi kipe ifite abakinnyi bayifatiye runini bavunitse nka Firmino, Diogo Jota na Diaz, abafana babirenzeho bifatira umutoza wabo ku gahanga ko ariwe uri gutuma iyi kipe ititwara neza muri iyi minsi ndetse banamusabira ko yasimbuzwa amazi atararenga inkombe.
Kimwe mubyo bashingiraho bamushinja ibi, ni uko mw’isoko ry’igura n’igurisha ry’abakinnyi riheruka atigeze agura abakina hagati mu kibuga, ndetse no mu mikino ari gukina ubu bamwe mu bakinnyi akabasiga nyamara bagakinnye.
Hari nk’aho umwe yavuze ko atabona impamvu yaje atitwaje Ben Doak nyamara abo twavuze haruguru bose baravunitse, avuga ko kumusiga ari igitekerezo cy’ubusazi.
Kuri ubu Liverpool iri ku mwanya wa 6 aho irushwa amanota 15 na Arsenal iyoboye urutonde nyamara yo imaze gukina imikino 17 naho Arsenal ni 16.
Jurgen Klopp ni umutoza wa Liverpool kuva mu mwaka wa 2015, yayifashishe gutwara ibikombe 7 muri iyo myaka amaze ayitoza.
