HARAGIRIMANA Dieudonne
Umuyobozi wa Arsenal muri iki gihe [director] Josh Kroenke akaba atishimiye uburyo abafana ba Arsenal bari kwitwara, mu gihe bakomeje kugaya imiyoborere ya Arsenal muri iki gihe ifitwe n’umuryango w’aba-Kroenke.
Umuryango w’aba-Kroenke ukaba waratangiye kuyobora iyi kipe ya Arsenal mu kwezi k’Ukuboza 2013, kuva iki gihe iyi kipe ikomeye mu bwongereza Arsenal ikaba yarayoborwaga na Stan Kroenke.
Uyu muherwe w’umunyamerika akaba yaratangiye kugira imigabane muri Arsenal guhera mu mwaka wa 2007, iki gihe akaba yari afite imigabane ingana na 9.9% by’imugabane yose, gusa akaba yaragiye yiyongera kuburyo nko mu kwezi kwa Mata 2011 yari amaze kugeza ku migaba ingana na 62.86% by’imigabane yose.
Uyu muryango w’abanyamerika ukaba waratangiye kuyobora Arsenal mu buryo bwuzuye mu mwaka wa 2018 ubwo bari bamaze kugura imigabane yose ya Alisher Usmanov yari asigaranyemo kuri Miliyoni 550£ (amayero)
Abafana ba Arsenal bakaba barakomeje kutishimira imiyoborere ya Arsenal, bitewe n’uburyo iyi kipe utagishora amafaranga ndetse no kuza mu makipe akomeye y’imbere muri Premier league byanze ndetse no kujya ku ruhando mpuza mahanga bikaba bikomeje kuba ingorabahizi.
Umujinya ukaba warazamutse nyuma Yuko Josh Kroenke agaragaye yishimira igikombe ikipe ikina muri NFL yitwa Los Angeles Rams itsinze Cincinnati, iyi kipe ya Los Angeles Rams ikaba nayo ari iyabo.
Arsenal guhera muri 2016-2017 ikaba itarongera gusubira muri Champions League ndetse ikaba iheruka gutwara igikombe cya Shampiyona ya Premier league muri 2004.
Uyu muryango w’abanyamerika w’aba-Kroenke ukaba ukomeje gushyirwa ku gitutu nyuma y’uko banze kugurisha Arsenal mu mwaka wa 2021 ubwo yashakwaga na Daniel Ek nyiri urubuga rwa Spotify.
Abafana ba Arsenal bakaba bariye karungu bakigaragambiriza kuri stade ya Emirates bashaka ko muri iyi kipe hazamo impinduka ikajya mu makipe akomeye nk’uko byahoze.
