M.Ben
Abafana ba APR FC bagize ubwoba nyuma yo kubona Perezida wa FERWAFA yitabiriye ibirori bya RAYON SPORTS byo kumurika ikipe y’abagore ndetse n’ukuntu Abarayon basabye kuzahabwa abasifuzi beza ku mukino bafitanye na Apr Fc kuri uyu wa Gatandatu tariki ya 17 Ukuboza 2022.
Mu mihanda iyo uganiriye n’abafana ba APR FC ndetse wagera no mu matsinda y’abafana yo ku mbuga nkoranyambaga wumva abafana ba APR FC batangiye kugira icyikango. Bagize icyikango nyuma yo kumenya ko RAYON SPORT yasabye abasifuzi batabogama mu kibuga.
Uyu mukino uzahuza amakipe yombi yombi washyuhije umugi ndetse n’abafana bashyushye, aho APR FC ishaka gukomeza kwiruka inyuma ya RAYON SPORTS, mu RAYON yo ishaka gusoza umwaka iyoboye urutonde rw’agateganyo rwa Shampiyona y’icyiciro cya mbere mu Rwanda.
Perezida wa Rayon Sports yasabye Perezida wa FERWAFA, Nizeyimana Olivier wari mu Nzove, ko bakwiye guhabwa abasifuzi beza kuri uyu mukino uzaba ku wa Gatandatu.
Ati “Ngize Imana Perezida w’ishyirahamwe ari hano, icyo namusaba, twagiye tubona ibidakorwa, ni abantu ku giti cyabo ntabwo ari ishyirahamwe riba ryabatumye, bazaduhe abasifuzi beza ubundi dukine. Mwese muzaze kudufana.”
