Ababyeyi bakiriye umurambo w’umwana wabo w’umunyeshuri wapfiriye Australia(AMAFOTO)

Mu gitondo cyo kuri iki cyumweru tariki 12 Werurwe 2023 ,  ahagana saa moya ,nibwo mu gihugu cya Kenya hagejejwe umurambo w’umwana w’umunyeshuri uherutse gupfira mu gihugu cya Australia yari yaragiye gukomerezamo amasomo.

Umurambo wa Sharon Jepkosgei Kigen w’imyaka 28 , wagejejwe ku kibuga cy’indege mpuzamahanga cya  Eldoret  wakirwa n’ababyeyi be ndetse n’abavandimwe bari baherekejwe n’inshuti .

Sharon yaguye mu gihugu cya Australia ku itariki 21 Gashyantare 2023 azize kurohama mu mazi ,yitabye Imana amaze iminsi 2 gusa atangiye amasomo muri  Catholic University  iherereye mu majyaruguru y’umujyi wa Sydney .

Nyuma yo kugezwa iwabo mu gihugu cya Kenya ,umubiri we ukaba wahise ujyanwa mu buruhukiro bw’ibitaro bya Eldoret ,mu gihe indi mihango yo kumushyingura itegerejwe kuri uyu wa mbere nk’uko inkuru dukesha ikinyamakuru Nation Africa ibivuga.